300 euro për një provim/Arrestohet pedagogu në Korçë, në pranga edhe sekseri (EMRAT)

Google+ Pinterest LinkedIn Tumblr +

Policia e Korçës ka arrestuar mëngjesin e sotëm një pedagog të Universitetit të Korçës “Fan Noli”, së bashku me sekserin pasi u merrte rryshfet studentëve për t’ju dhënë provimet.

Bëhet me dije se specialistët për Hetimin Kundër Korrupsionit, kanë arrestuar pedagogun Alket Dino, si dhe Xhevi Dervishin, i cili bënte rolin e sekserit mes pedagagut dhe studentëve.

Kujotjmë se pedagogu Dino punon në Univeristetin “Fan Noli” në Korçë, në Fakultetin e Shkencave Natyrore.

Rezulton se pedagogu Alket Dino përveç të tjerash është edhe simpatizant  i LSI-së, pasi shpesh hedh postime të kësaj partie në rrjetet e tij sociale.

Njoftimi i Policisë:

Korçë

Specialistët për Hetimin kundër Korrupsionit në Drejtorinë Vendore të Policisë Korçë, nën drejtimin e SPAK, bënë arrestimin në flagrancë të shtetasve:

  1. D., 34 vjeç, banues në Korçë (me detyrë pedagog pranë Fakultetit të Shkencave të Natyrës dhe atyre Humane) dhe Xh. D., 35 vjeç (sekser) të dy banues në Korçë.

Shtetasit e mësipërm, janë kapur në afërsi të këtij Fakulteti me një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët, të cilat u sekuestruan në cilësinë e provës materiale.

Materialet i kaluan Prokurorisë së Posaçme Kundër Korrupsionit dhe Krimit të Organizuar Tiranë për veprat penale “Korrupsioni pasiv i personave që ushtrojnë funksione publike”, “Korrupsioni aktiv” dhe “Ushtrimi i ndikimit të paligjshëm”.

Pedagogu i Universitetit të Korçës “Fan Noli”, Alket Dino

Shpërndaje
Share.

Komento