Një ngjarje e rëndë ka ndodhur mëngjesin e sotëm në Lushnje. Një 30-vjeçar ka goditur me sëpatë babain e tij.
Ngjarja ndodhi pas një konflikti në familje. Rreth orës 08:00 në lagjen “Xhevdet Nepravishta”, Dritan Veliu ka qëlluar me sëpatë babanë e tij, Kujtim Veliu.
67-vjeçari në fillim u dërgua në spitalin e Lushnjes, por duke qenë shumë e rënduar gjendja e tij shëndetësore, ai është dërguar menjhëherë drejt Tiranës.
30-vjeçari Dritan Veliu, njihet si një prson i dhunshëm. Ai ka ushtruar herë pas herë dhunë mbi familjarët. Ai madje ka bërë edhe burg një vit më parë.
E ëma e autorit është e sëmurë ndërkohë që prindërit e 5 fëmijëve merren me tregti. Nuk dihen ende motivet e sherrit në familje, të cilat çuan në këtë ngjarje të rëndë.
Mësohet se policia ka bërë të mundur arrestimin e tij edhe pse ai u largua nga banesa pasi ka kryer aktin e rëndë ndaj babait të tij.
