“Më kërcënuan pasi më vranë xhaxhain”, dënohet shqiptari që u kap me 200 mijë paund kanabis në shtëpi

Google+ Pinterest LinkedIn Tumblr +

Një gjykatë në Skoci ka dënuar me 2.6 vite burg shqiptarin Mirjan Kastrati.

Ky i fundit u arrestua në shtëpinë e tij në qytetin Galashiels në Skoci, shkruan “Border Telegraph”.

Shqiptari e kishte kthyer shtëpinë në një fermë kanabisi.

Ai u justifikua para gjykatës, duke thënë se ishte viktimë e trafikimit të qenieve njerëzore.

Më  tej 30-vjeçari shtoi se e kishte nisur këtë aktivitet, për të shlyer borxhin prej 16 mijë paundësh, që kishte marrë për t’u futur ilegalisht në Mbretërinë e Bashkuar.

Shqiptari u arrestua në momentin kur po flinte në kuzhinë.

Ndërkohë në banesën e tij, policia gjeti dhe sekuestroi 700 rrënjë kanabis, vlera e të cilëve shkonte deri në 200 mijë euro.

Prokurori i çështjes Graham Frase solli detaje të reja, përsa i përket arsyeve, që e detyruan të riun të braktiste Shqipërinë.

Sipas tij, xhaxhai i Mirjanit i cili është vrarë, ishte një person i rëndësishëm në politikën shqiptar.

Më tej i riu, pas kërcënimeve të shumta, u detyrua që të linte Shqipërinë.

Mirëpo këto fakte nuk u morën parasysh nga gjykata, e cila vendosi të dënojë 30-vjeçarin.

Shpërndaje
Share.

Komento