Një ngjarje e rëndë ndodhi para disa ditësh në Udine të Italisë. Një 18-vjeçar shqiptar ndërroi jetë në spitalin “Santa Maria della Misericordia”. I riu u godit me thikë nga një 17-vjeçar shqiptar, në një park publik.
Detaje të reja janë zbardhur nga ngjarja e rëndë, ku humbi jetën Ermal Halili, i cili u godit me thikë në zemër.
Mësohet se krimi ka ndodhur pas një mosmarrëveshjeje për lojën e futbollit që kanë pasur të rinjtë, shkruajnë mediat italiane.
Autori i krimit i kishte kërkuar viktimës të takoheshin për t’u sqaruar ku i ka kërkuar dhe falje. Por 18-vjeçari Ermal Halili nuk kishte pranuar ta falte, ndaj edhe 17-vjeçari e kishte goditur pranë zemrës me thikë kuzhine.
Nga ana tjetër viktima e kishte goditur me një shishe të thyer. Edhe pse Halili u dërgua me urgjencë në spital, ai nuk ka mundur dot t’u mbijetonte plagëve të marra.
Mjekët në Udine deklaruan se thika ka goditur zemrën e 18-vjeçarit.
Mësohet se viktima, Ermal Halili në momentin kur ka ndodhur ngjarja e rëndë ishte nën shoqërinë e vëllait binjak Ervinit. Po ashtu, autori i krimit është arrestuar nga policia, nën akuzën e vrasjes me dashje.
