14 shkurti, Dita e të Dashuruarve, është një ditë e veçantë ku partnerët shkëmbejnë dhurata dhe shprehin dashurinë ndaj njëri-tjetrit.
Lulet, bizhuteritë, çokollatat dhe kartolinat janë disa nga dhuratat më të pëlqyera që qytetarët i ofrojnë të dashurve të tyre për këtë ditë.
Dita e Shën Valentinit ka origjinën nga një shenjtor i njohur, Shën Valentini, që besohet të ketë qenë prift romak gjatë shekullit të tretë.
Në atë kohë, Perandori Klaudius II kishte ndaluar martesat pasi mendonte se burra të martuar ishin ushtarë të dobët.
Megjithatë, Shën Valentini kishte kundërshtuar këtë ndalim dhe vazhdoi të martonte çiftet fshehtazi. Kur perandori e mori vesh, e arrestoi dhe e dënoi me burg të përjetshëm.
Gjatë qëndrimit në burg, Valentini u dashurua me vajzën e rojtarit dhe, para ekzekutimit të tij më 14 shkurt, ia dërgoi asaj një letër me nënshkrimin “Nga Valentini yt”.
Dita e Shën Valentinit ka një histori shumë të vjetër dhe besohet të ketë origjinën nga një festival romak i quajtur Lupercalia, që zhvillohej në mes të shkurtit, në prag të pranverës.
Gjatë këtij festivali, djemtë tërhiqnin emra vajzash nga një kuti dhe krijonin çifte, disa prej të cilëve përfundonin edhe me martesë. Më vonë, Kisha Katolike e shndërroi këtë festival në një festë krishtere për të nderuar Shën Valentinin.
Gazeta Reforma ju uron gëzuar Shën Valentini!
