Ditën e sotme një aksident tragjik është regjitruar në autostradën Milot-Thumanë.
Një automjet taksi po udhëtonte drejt Rinasit, ka dalë nga rruga në afërsi të Laçit duke u përplasur me murin. Si pasojë ka humbur jetën një grua, ndërsa vajza e saj dhe 2 nipërit e saj kanë mbetur të plagosur. Në mjet udhëtonin 56-vjeçarja, vajza e saj 30 vjeç dhe dy mbesat e mitura.
Autoambulanca e Laçit pas aksidentit ka dërguar të plagosurit për në spitalin e Traumës në Tiranë, ndërsa gjyshja nuk ka mundur të shpëtojë. Viktima është identifikuar si Prena Gjetani 56 vjeç nga Fushë Miloti. Polici po heton shkaqet e plota të këtij aksidenti.
Theksojmë se gruaja me vajzën dhe dy fëmijët e vajzës janë dërguar menjëherë pas përplasjes drejt spitalit të Traumës në Tiranë, por ajo nuk ka mundur t’u mbijetojë plagëve të marra, duke humbur jetën. Për fat të mirë mësohet se fëmijët ndodhen jashtë rrezikut për jetën, ndërsa shoferi i taksi-së është shoqëruar në polici. Paraprakisht si shkak i aksidentit tragjik dyshohet pagjumësia e drejtuesit të mjetit.
Vlen të përmendim se shifrat e aksidenteve në vend janë alarmante. Në muajin Mars 2022 numërohen 101 aksidente rrugore nga 119 aksidente të ndodhura në muajin Mars 2021, duke u ulur me 15,1 %, krahasuar me të njëjtën periudhë të një viti më parë.
