- Reklamë -spot_img
32.5 C
Tirana
Faqja kryesoreRajoni - BotaBotaTërmeti 'shkund' Afganistanin! Të paktën 920 persona të vdekur dhe qindra të...

Tërmeti ‘shkund’ Afganistanin! Të paktën 920 persona të vdekur dhe qindra të plagosur (Video)

- Reklamë -spot_img

Mëngjesin e sotëm një tërmet me magnitudë 5.9 të shkallës Rihter ka goditur Afganistanin lindor.

Agjencia shtetërore e lajmeve ‘Bakhtar’ raporton se tërmeti me thellësi 10 kilometra, kishte epiqendrën në jugperëndim të qytetit të Khost, afër kufirit me Pakistanin.  Ndërkohë lëkundjet sizmike u ndjenë në kryeqytetin e Afganistanit, Kabul dhe në kryeqytetin e Pakistanit Islamabad.

BBC raporton se numri i të vdekurve ka shkuar në 920 persona dhe 600  të tjerë janë plagosur.  Shtëpitë dhe ndërtesat e shkatërruara tregojnë fuqinë shkatërrimtare që tërmeti pati, ku shkaktoi viktima në rrethet Barmal, Zirok, Nika dhe Giyantëprovincës Paktika.

Fotot që po qarkullojnë në mediat sociale tregonin njerëz në barela, rrënoja dhe shtëpi të shkatërruara në provincën Paktika.

Udhëheqësi i talebanëve Hibatullah Akhundzada tha se qindra shtëpi u shkatërruan dhe numri i të vdekurve ka të ngjarë të rritet.

Zyrtarët talebanë u kanë kërkuar menjëherë ekipeve të shpëtimit të shkojnë në zonat e prekura në lindje të vendit, me frikën se numri i viktimave mund të rritet në orët në vijim.  Në terren kanë mbërritur dhe ekipet e Organizatës Botërore të Shëndetësisë.

Vlen të theksojmë  se Afganistani, i ndodhur në një zonë tektonikisht aktive, goditet shpesh nga tërmet shkatërrimtarë dhe vdekjeprurës.  Dëmet janë të mëdha, për shkak të infrastrukturës të dobët, ku në zonat rurale shtëpitë janë të vjetra ose të ndërtuara keq.

Mesa duket nuk ka qetësi për Afganistanin, i cili pasi  përjetoi barbarinë e talebanëve, tashmë po përballet me një fatkeqësi që vjen nga natyra.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj