Me anë të një postimi në rrjetet sociale, sekretari i Grupit Parlamentar të PD-së, Arbri Agalliu ka hedhur akuza të forta në drejtim të qeverisë se po nxit shqiptarët që të largohen nga vendi.
Agalliu ka publikuar shifrat e EURISTAT për largimet masive të shqiptarëve drejt vendeve të BE-së për periudhën 2008-2020.
Sekretari i PD-së ndër të tjera se qeveria nuk ka asnjë strategji për ti mbajtur shqiptarët dhe se nuk ka asnjë strategji për të hapur vende të reja pune.
Postimi i plotë
Plot 700.000 shqiptarë të larguar nga Shqipëria, shifër zyrtare e Eurostat. Këtu bëhet fjalë për ata që kanë marrë leje qëndrimi në një nga vendet e BE.
Po të shtojmë ata që janë pa leje qëndrimi, ata që janë azil kërkues, ata që kanë emigruar përtej BE, kjo shifër ëshë edhe më e madhe.
Shqipëria po boshatiset. Nga një vend shprese është kthyer në vendin që të shuan ëndrrat, ndaj shqiptarët e kryesisht të rinjtë ikin çdo ditë.
Kjo Qeveri nuk ka asnjë strategji për ti mbajtur këtu shqiptarët. Asnjë strategji për të thithur investime të huaja, të cilat hapin vende pune dhe sjellin zhvillim ekonomik e teknologjik. Kjo Qeveri nuk ka asnjë plan masash për të zhvilluar rininë dhe për të nxitur tek ta sipërmarrjen. Asnjë plan lehtësues për bizneset e vogla e të mesme, në mënyrë që të rrisin qarkullueshmërinë e kapitalit. Asnjë mbështetje domethënëse për familjet në nevojë dhe familjet e reja duke i nxitur të ikin prej këtej.
Këto e shumë probleme të tjera shtynë këdo të largohet nga Shqipëria.
