Presidenti Ilir Meta ka pritur ditën e sotme në një takim Ambasadorin e ri të Serbisë, Sh.T.Z Slobodan Vukčević me rastin e paraqitjes së Letrave Krediciale.
Që në nisje të takimit Meta uron Ambasadorin Vukčević, për punën e re duke shprehur forcimin e marrëdhënieve mes Serbisë dhe Shqipërisë, sidomos në fushën ekonomike, tregtare dhe atë të turizmit.
Këto elemente shihen edhe si faktor ndikimi për rritjen ekonomike në vend, e sidomos pas një kohe të vështirë të situatës së pandemisë COVID-19.
Ndërkohë nga ana tjetër Kreu i Vendit nuk ngurroi të përmendë edhe Kosovën duke nënvizuar se dialogu Kosovë-Serbi me ndërmjetësim të Bashkimit Europian, ka sjellë jo vetëm normalizimin por edhe njohjen e ndërmjetme.
Ky hap shihet nga presidenti Meta mjaft me rëndësi jo vetëm për dy vendet, por edhe për rajonin dhe Europën mbarë.
Njoftimi i Presidentit Meta:
Prita sot Ambasadorin e ri të Serbisë, Sh.T.Z. Slobodan Vukčević, me rastin e paraqitjes së Letrave Kredenciale.
Duke e uruar për detyrën dhe siguruar për mbështetje në përmbushjen e misionit diplomatik, shpreha dëshirën se përpjekjet e tij do t’i shërbejnë rritjes së marrëdhënieve ndërmjet Shqipërisë dhe Serbisë, sidomos në fushën ekonomike, tregtare dhe turizëm.
Nënvizova se dialogu Kosovë-Serbi ndërmjetësuar nga Bashkimi Europian, për normalizimin e plotë të marrëdhënieve dhe njohjen e ndërsjellë, ka rëndësi jo vetëm për të dy vendet, por edhe për rajonin dhe perspektivën e tij europiane.
