- Reklamë -spot_img
21.5 C
Tirana
Faqja kryesoreAktualitetBar “Balux” nuk e lë të qetë! Fatma Mesiti denoncon përsëri:...

Bar “Balux” nuk e lë të qetë! Fatma Mesiti denoncon përsëri: Po luhet si macja me miun prej tre vitesh

- Reklamë -spot_img

Betonizimi i Tiranës dhe ‘zhdukja’ e gjelbërimit për shkak të favorizimit të oligarkëve që ngrenë kulla, biznese dhe ndërtesa që gjenerojnë para në xhepat e tyre shpesh irritojnë popullin e thjeshtë që nuk kërkon asgjë tjetër vetëm privatësi dhe dritë dielli në shtëpinë e tyre. Kjo gjë po ndodh me zonjën Fatma Mesiti, e cila prej dy vitesh nuk po gjen qetësi për shkak të ndërtimit të lokalit bar “Balux” tek zona e ish-Bllokut e cila është shumë pranë dritares së dhomës së gjumit të pallatit të saj.

“Gazeta Reforma” e ka ndjekur çështjen prej kohësh dhe sipas zonjës Fatma, artikujt kanë pasur ndikim që punimet të ndërpriteshin.

Por sërish kanë filluar punimet, dhe zonja Mesiti ka bërë disa tentativa për t’i ndaluar, por është ndeshur me një mungesë totale korrektese nga Emergjenca (112). Denoncuesja për “Gazetën Reforma” shprehet se po “luhet si macja me miun” prej 3 vitesh dhe në këtë mes sigurisht që ndërhyn një dorë e fortë politikani. Gjithashtu Fatma Mesiti ka kontaktuar me kreun e IMT-së por ai i është përgjigjur me arrogancë duke i thënë se nuk është roje objekti.

Denoncimi i radhës i Fatma Mesitit:

Unë kam 3 vite me ankesa si në bashki, në polici, tek platforma apo edhe në Drejtorinë e Policisë në Tiranë. Kam bërë kallëzim penal ku prokuroria e pushoi çështjen në favor të shkelësve të ligjit dhe ja përcolli gjykatës. Gjykata ia ktheu mbrapsht prokurorisë duke I lënë disa detyra, të cilat konsistonin në: marrjen e firmave të banorëve, të pyetet kallëzuesja (që në këtë rast jam unë) dhe të respektohen distancat.

Një vit pati heshtje dhe pauzë, por filluan përsëri. Hoqën 2 herë tendën dhe vendosën çadra. Unë kam bindjen e plotë që punonjësit e bashkisë i lejojnë të gjitha manovrat për arsye se nuk ua kthejnë dot paratë!

Një qytetar i zakonshëm nuk vendos dot një tendë në ballkonin e tij, ndërsa këtë munden. Ata kanë vendosur një tendë të madhe që shëmton komplet territorin. Sot u vendosën hekurat, lajmërova policinë bashkiake dhe atë të rendit. Në fakt ato filluan që pardje por unë lajmërova policinë bashkiake dhe e lanë në mes punën ditën e djeshme. Po sot kur unë po ikja në punë ato vendosën hekurat. Mora në telefon 112, që është emergjenca, ato nuk u përgjigjën, pastaj mora një të njohurin tim në polici, I cili lajmëroi sallën operative. Unë zgjidha në mënyrë private denoncimin në polici.

Shkoi policia, unë kisha punë e nuk mund të qëndroja dot. Mora përsëri 112 dhe I bëra ‘për një lekë’, iu thashë që tu vijë turp që nuk përgjigjeni edhe pse jeni emergjenca. Po sikur të jetë dikush që të kërcënon me vdekje?! Varrosesh dhe policia është inekzistente.

I shkruajta Mariglen Qatos, kryetarit të Mbrojtjes së Territorit dhe i thashë që nëse ndodh diçka përgjegjësia është mbi ju.

Por ai më tha: Mos më di roje objekti ti mua? Ndërkohë që unë ia ktheva: Zotëri ti nuk je roje objekti por ti firmos. Por ai më fyeu duke më thënë që nëse e do e kthejmë personale. E kam thirrjen e tij në telefon, por nuk dija ta regjistroja bisedën. Në fakt në moment nuk më shkoi në mendje ta regjistroja me një tjetër telefon.

Sapo erdha në shtëpi pashë që punimet ishin ndërprerë nga policia, por hekurat janë vendosur. Ja kjo është gjendja këtu, luhet si macja me miun prej tre vitesh, prishen tendat, vendosen çadrat, kur shkruajtët juve i mbyllën. Një muaj pauzë dhe përsëri i hapën dhe veprojnë për t’u zhvilluar aktiviteti. Pra këtu është një dorë e fortë politikanësh që guxojnë. Janë hedhur shumë para.

Përgatiti: Gazeta Reforma

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj