Hashim Thaçi, presidenti i Kosovës ka dekretuar sot 3 ligjet që mundësojnë transformimin e Forcës së Sigurisë së Kosovës në Ushtri.
Thaçi dekretoi ligjet në prani të komandantit të FSK-së Rrahim Rama dhe ushtarëve të FSK-së.
Ligjet që u dekretuan ishin ai i Ministrisë së Mbrojtjes, ligji për Forcën e Sigurisë së Kosovës dhe Ligji për Shërbim në FSK.
Presidenti falenderoi Shtetet e Bashkuara të Amerikës dhe të gjitha shtetet aleate që mbështetën në këtë ditë të rëndësishme të zyrtarizimit të Ushtrisë së Kosovës.
“Ky dekret hyn në fuqi në datën e nënshkrimit…
Edhe njëherë urime Ushtria juve ushtarë, ushtarake, oficerë, nënoficerë”, tha presidenti.
Kujtojmë se tre ligjet janë miratuar në Kuvendin e Kosovës më 14 dhjetor në 2018.
