PS ka zyrtarizuar kandidaturën që do të përfaqësojë siglën e saj në zgjedhjet e parakohshme për kryebashkiak që do të mbaheh më 4 gusht në Himarë. Pasi KQZ vendosi t’i heqë mandatin Fredi Belerit, ish-kryetar i zgjedhur i Himarës, menjëherë Këshilli i Ministrave i dërgoi letër Presidentit për dekretimin e datës së zgjedhjeve. Në vijim të planit po me urgjencë doli edhe kandidatura.
Fredi Beleri është arrestuar që më datë 12 maj 2023. Ai akuzohet për veprën penale “korrupsion aktiv në zgjedhje, kryer në bashkëpunim”. Banorë të Himarës kanë thënë se atyre iu janë premtuar para, në këmbim të votës. Ai u prangos 48 orë para zgjedhjeve lokale të 14 majit, por prangosja dhe dënimi i tij ka acaruar marrëdhëniet mes Shqipërisë dhe Greqisë.
