Në takimin e sotëm mes kreut të Kuvenit, Gramoz Ruçi dhe zyrtarit të lart turk, Mustafa Sentop, një theks i veçantë u vu tek një organizatë kriminale.
Kryetari i Asamblesë së Madhe të Turqisë u shpreh se FETO bombardoi kuvendin turk, ndërsa shtoi se aktivitetin e maskon përmes shkollave dhe institucioneve arsimore.
“Organizata FETO e cila është prezente edhe në Shqipëri, nuk kurseu as bombardimin e Kuvendit tonë. Në Turqi kjo organizatë është eliminuar, FETO e maskon aktivitetin me institucione arsimore, shëndetësi.
Nuk do lejojmë që kjo organizatë të helmoje marrëdhëniet mes dy vendeve të cilat janë të shtrira në shumë drejtime. Marrëdhëniet ekonomike tregtare mes dy vendeve tona kapin një shifër prej gjysëm miliardë dollarë. Ne kërkojmë që ato të kapin në vitet e ardshme sifrën e 1 miliardë dollarëve, synojmë që të shtrijmë sferën e investimeve dhe në fushën e turizmit”,u shpreh Sentop.
I pranishëm në takim, kreu i kuvendit, Gramoz Ruçi nënvizoi marrëdhëniet e mira mes dy popujve, e cila është konfirmuar sipas tij me kontributet që shteti turk ka dhënë në Shqipëri.
“I shpreh falenderim për ndihmën e madhe që ky vend (Turqia) i dha Shqipërisë në kohë të vështira dhe këtë kohë pandemie. Ndihmat e veçanta në infrastrukturën e shëndetësisë, apo ndërtimi i spitalit të Fierit brenda tre muajve janë treguesit konkret që shteti turk na ka dhënë.Të dy popujt kanë një fjalë të urtë popullore: Miku i mirë njihet ditë të vështira.”, shprehet Ruçi.
Kujtojmë se për këtë organizatë ka reaguar një javë më parë dhe presidneti turk, Rexhep Ergogan. Ai në një takim me kryeministrin Rama, tha se organizata FETO është kërcënim për të dy vendet, ndaj ajo duhet luftuar.
“Bashkohemi se FETO përbën kërcënim për dy vendet, nuk do lejojmë të helmojë bashkëpunimin [Shqipëri-Turqi].”, shprehet Erdogan.
