Teksa Fredi Beleri, fitusi i zgjedhjeve për bashkinë e Himarës ndodhet në burg, Greqia është “mobilizuar” për t’i ardhur atij në ndihmë .
Ditën e sotme me udhëzim të ministrit të Jashtëm të Greqisë, Nikos Dendias, sekretari i Përgjithshëm i Ministrisë së Jashtme greke, ambasadori Theoharis Lalakos ka zhvilluar një takim me kreun e bashkisë së Himarës, Fredi Beleri.
Dje, Lalakos shoqëronte në takim në drejtorinë Policisë së Vlorës, ambasadoren greke më Shqipëri Konstantina Kamitsi, e cila takoi dje Belerin. Ndërkohë, sot Lalakos po zhvillon prej 40 minutash takimin me Belerin, ndërsa në fokus janë kushtet e burgimit dhe trajtimi i tij. Vlen të theksojmë se arrestimi i Fredo Belerit erdhi pasi ai akuzohet për shit-blerje votash në kohë fushate.
Kujtojmë se arrestimi i Fredi Belerit, përfaqësues i koalicionit ‘Bashkë Fitojmë’ për bashkinë e Himarës, që tashmë rezulton fituesi, solli reagime të ashpra në politikën shqiptare dhe në qeverinë greke. Kjo e fundit paralajmëroi nota proteste për Shqipërinë, ndërsa bëri thirrje për lirimin e Belerit. Madje ditëne zgjedhjeve në hqipëri, kryeministri grek doli në nëj deklaratë zyrtare duke kërkuar që qeveria shqiptare të merret me këtë çështje, pra të liroje Fredi Belerin nga qelia. Në të kundërt sipas tij do të rishikohen marrëdhëniet midis dy vendeve dhe Greqia do të bëhet pengesë për anëtarësimin E Shqipërisë në BE.
