Lufta Rusi-Ukrainë është konsideruar gjithnjë si potencial për fillimin e luftës së tretë botërore, ndërkohë që një zyrtar britanik i ka bërë shumë konkrete këto hipoteza.
Sekretari i Mbrojtjes i Britanisë ka paralajmëruar se presidenti rus Vladimir Putin mund të shpallë një luftë të re botërore brenda disa ditësh.
Ben Wallace ka paralajmëruar se Putin mund të përdorë festimet tradicionale të Ditës së Fitores më 9 maj, të cilat përkujtojnë fundin e Luftës së Dytë Botërore, për të thirrur trupat për një “luftë me nazistët e botës”, raporton “The Sun”.
Kjo vjen pasi u tha se Presidenti rus të niste një sulm bërthamor sesa të lejonte Rusinë të humbiste luftën.
Kujtojmë që më herët lideri i Ukrainës paralajmëroi se nëse përpjekjet për negociata dështojnë, kjo mund të nënkuptojë se lufta midis dy vendeve do të çojë në “një Luftë të Tretë Botërore”.
Gjithashtu Zelenskyy ka thënë se forcat ruse kanë synim që të shfarosin vendin që ai drejton por theksoi se Ukraina do të tregojë që është në gjendje t’i japë një goditje të fuqishme. “Por, për fat të keq, dinjiteti ynë nuk do të ruajë jetë. Pra, unë mendoj se ne duhet të përdorim çdo format, çdo shans për të pasur një mundësi për të negociuar, mundësinë për të biseduar me Putinin. Por nëse këto përpjekje dështojnë, kjo do të thotë se kjo është një luftë e tretë botërore”
