Pas shumë pritjesh, më në fund është bërë publike data e nisjes së spektaklit më të ndjekur në Shqipëri, “Big Brother VIP 4”! Shtëpia më e famshme do të hapë dyert më 21 dhjetor dhe do të sjellë një edicion plot ndryshime dhe surpriza.
Kësaj radhe, përveç banorëve VIP, pjesë e këtij edicioni do të jenë edhe persona të thjeshtë, që do të ndajnë historitë e tyre me publikun. Njerëzit janë në pritje për të mësuar se cilët do të jenë personazhet që do t’i bashkohen shtëpisë dhe cilët do të krijojnë spektakël.
Një tjetër moment i shumëpritur është konfirmimi i opinionistëve të këtij sezoni. Arbër Hajdari do të rikthehet në poltronin e opinionistit për të katërtin vit radhazi, ndërsa Neda Balluku do t’i bashkohet për herë të parë si pjesë e ekipit të opinionistëve.
Në mesin e emrave të përfolur që mund të bëhen pjesë e shtëpisë janë: Alba Pollozhani, Albërie Hadërgjonaj, Renee Reffo, Eros Grezda, Olta Daku, Soni Malaj, Klajdi Musabelliu dhe Xhani Demika.
Do të duhet të presim pak më shumë për të zbuluar se kush do të bëhet pjesë e këtij sezoni të jashtëzakonshëm të “Big Brother VIP”!
