Britania e Madhe do të ketë mundësi që ta rimendojë edhe një herë marrëveshjen për largimin nga BE, pasi zyrtarisht është marrë vendimi për zgjatje të afatit të Brexit duke e çuar deri në 31 tetor.
Tashmë është arritur në një marrëveshje nga të dyja palët përsa i përket çështjes në fjalë, mirëpo situata nuk duket fare me mirë.
Gjatë fjalës së saj, kryeministrja britanike, Theresa May është shprehur se objektivi kryesor i saj është largimi nga Unioni, ndërkohë që edhe Presidenti i Këshillit Europian Donald Tusk nuk është kursyer duke i kthyer një përgjigje të shkurtër, por kuptimplotë “Mos e humbni këtë kohë”.
Kjo është periudhë më e gjatë nga ajo që ishte kërkuar, ndaj dhe pritshmëritë janë që Brexit të ndodhë më herët se data e përcaktuar dhe kjo nëse kryeministrja arrin të bëjë për vete Parlamentin.
I gjithë diskutimi kryesor qëndron në Parlamentin britanik, pasi deputetët nuk jaë duke pranuar marrëveshjen e BE-së dhe përpjekjet e deritanishme të May kanë dështuar edhe pse ka premtuar largimin nga posti.
