Deklaratat e pavenda nëpër media të përfaqësuesve të qeverisë shqiptare janë bërë një gjë mëse e zakontë dhe aspak për t’u habitur. Pas gafave të Çuçit me vajin e plamës, apo Blendi Klosi me përhapjen e COVID nga valët e muzikës, radhën e ka pasur një përfaqësues i arsimit.
Ka qenë zëvendës ministri i arsimit, Olti Rrumbullaku ai që është “turpëruar” përballë gazetares në një intervistë që po jepte në televizionin Ora News. Duke propaganduar me të madhe se bujqësia ka qenë një sektor që nuk u ndikua aspak nga pandemia, ai vuri në dukje se nuk kishte informacion për atë që fliste dhe pyetjes së gazetares iu përgjigj “hap google maps të shohësh serrat.
Olti Rrumbullaku ka qenë pedagog në fakultetin e Ekonomisë gjatë kohës që studentët protestonin në rrugë. Jo pak herë ai ka dalë kundër studentëve dhe krah qeverisë me qëndrimet e tij dhe për këtë u shpërblye edhe me postin e zv/ministrit të arsimit.
Pjesë nga Intervista:
Gazetarja: Është e njëjta situatë me fermerët si para 7 viteve.
Olti Rrumbullaku: E ke idenë se çfarë po flet për fermerët?
Gazetarja: Çfarë i keni siguruar ju gjatë kohës së pandemisë një treg të shitjes së produkteve të tyre.
Olti Rrumbullaku: Bujqësia ishte sektori që pati rritje gjatë vitit 2020. I vetmi sektor që pati rritje dhe asnjë efekt na pandemia. Rritje sa i përket eksporteve, rritje sa i përket investimeve, në kanale kulluese, në gjithçka. Shko në një fshat dhe pyet si kanë qenë dhe si janë.
Gazetarja: Nuk i keni informacionet e sakta.
Olti Rrumbullaku: Ju nuk i keni informacionet e sakta. Hape “google maps” dhe shiko, hape dhe shiko. Shiko se sa sera ke në pamje në vitin 2020 dhe sa ke pasur më përpara, hape dhe shikoje. Shikoje pak Lushnjën, Beratin dhe Urën Vajgurore.
