Zv.ministri grek i Mbrojtjes Civile, Nikos Hardalias gjatë një vizite në Janinë ka deklaruar se kufiri me Shqipërinë nuk hapet.Hardalias tha në aeroportin e Janinës se kufijtë nuk do të hapen ashtu siç ishte njoftuar më parë, më datën 1 Korrik.
“Nuk do të hapen menjëherë, por kur të vendoset të hapen, do të ketë skuadra të mbrojtjes së shëndetit prezente në çdo pikë kufitare. Nuk ka parashikim për hapje të kufijve në datë 1 Korrik, me përjashtim të një pikë kufitare me Maqedoninë e Veriut”, tha Hardalias në një prononcim për mediat.
Greqia është e interesuar për ekonominë dhe hapjen graduale, por përkundër vizitorëve që do të hyjnë në Greqi duhet vëmendje dhe për mbrojtjen e popullatës greke, tha Hardelias.
Por deklarata e tij bie në kundërshtim me një listë që është publikuar nga disa media greke ku njoftohet se Greqia hap sezonin turistik në Korrik dhe përjashton 9 shtete nga lista, mes të cilave nuk renditet Shqipëria.
Në këtë listë thuhet se nga udhëtimet ajrore drejt Greqisë përjashtohen këto 9 vende: Maqedonia Veriore, Britania e Madhe, Suedia, SHBA, Rusia, Katar, Emiratet e Bashkuara të Arabisë, Arabia Saudite dhe Izraeli.
Mesa duket, udhëtimet ajrore drejt Greqisë do të mbeten ende të mbyllura për të gjithë ata që kishin planifikuar pushime në shtetin fqinj.Greqia i ka mbyllur kufijtë që kur nisën rastet e para me korónavirus dhe ende nuk është marrë një vendim për rihapje, ndonëse e gjitha ndikon në rënien e të ardhurave dhe shkatërrimin e turizmit.
