Një vajzë është nxjerrë e gjallë nga furgoni që ra në greminë pasditen e sotme në Qafë-Muzinë. Mësohet se ajo është Greta Kaberdini, 25 vjeçe, dhe është dërguar në spital dhe momentalisht mësohet se është jashtë rrezikut për jetën
Ndërkohë, motra e saj ka folur për mediat pas ngjarjes së rënëdë, duke thënë se e plagosura ishte shumë e tronditur dhe se kishte thyer krahun. Ajo ka treguar se e motra që u aksidentua, po vinte tek ajo në Sarandë, dhe se një ditë më parë i kishte thënë se kishte një parandjenjë të keqe.
“Ishte shumë e tronditur, qante. Tha që ishte mirë. Ka thyer krahun. Uaaa! Nuk e di, nuk ka fat më të madh. Nuk e di cfarë të them. Po vinte te unë në Sarandë. Dhe më tha që kam një parandjenjë të keqe që dje. Zoti është i madh, nuk e di”, tha ajo.
Ndërkohë, si pasojë e aksidentit të rëndë humbën jetën çifti i bashkëshortëve Fiqiri e Drite Korçari, 77 dhe 72 vjeç si dhe shoferi i furgonit taksi, Bardhi Proda. Ka mbetur ende i paidentifikuar një viktimë, ndërsa një tjetër ndodhet ende Brenda në furgon.
Aksidenti ndodhi pasdietn e sotme në aksin Gjirokastër-Sarandë, ku furgoni devijoi në mënyrë që të evitonte përplasjen me një mjet tip “Land Rover”, dhe si pasojë përfundoi në greminë.
