Sulmuesi i Milanit dhe Suedisë, Zlatan Ibrahimovic beson se Ronaldo i Brazilit është lojtari më i mirë në histori dhe se “të gjithë” donin të luanin si fituesi i Kupës së Botës në kulmin e karrierës së tij
Ibrahimovic shprehu admirimin e tij ndaj fituesit të Kupës së Botës përpara ndeshjes së Milanit në Ligën e Evropës me Red Star Beograd të Enjten në mbrëmje, ndërsa e vendosi atë përpara të mëdhenjve të ditëve moderne si Lionel Messi dhe Cristiano Ronaldo në listën e të gjitha kohërave të lojtarëve më të mirë.
Zlatan, 39 vjeç mendon se Ronaldo Nazario, i cili frymëzoi Brazilin në lavdinë e Kupës së Botës në 2002, ndryshoi lojën me talentet e tij unike dhe qëndron ende deri më sot.
Zlatan i tha Discovery Plus: “Unë nuk kam nevojë ta përshkruaj Ronaldon. Fenomen.Unë gjithmonë them që ju keni lojtarët që luajnë lojën, dhe lojtarët që janë lojë. Për mua, Ronaldo është loja. Kur e shikoni duke luajtur, të gjithë donin të luanin si ai dhe të bëheshin si ai. Mënyra se si ai po lëvizte, mënyra se si bëri hapat e tij të mëdhenj, mënyra se si bëri dredhi”. Mënyra se si po lëvizte, për mua ai është lojtari më i madh gjatë historisë, pa dyshim.”
