Një shtëpi u shkrumbua nga flakët mbrëmjen e sotme në Shkodër, ku humbi jetën 80-vjeçari Gjek Prroni, i cili mbeti i bllokuar brenda.
Sipas policisë, zjarri dyshohet të ketë rënë aksidentalisht në banesën e tij, ku jetonte i vetëm.
Njoftimi:
Shkodër/Informacion paraprak
Rreth orës 21:35, në fshatin Shtoj i Vjetër, dyshohet se aksidentalisht ka rënë zjarr në banesën e shtetasit Gj. P., 80 vjeç.
Si pasojë e zjarrit, ka humbur jetën shtetasi Gj. P, i cili jetonte i vetëm.
Grupi hetimor nën drejtimin e Prokurorit po punon për përcaktimin e saktë të shkakut të rënies së zjarrit.
