Thuasje 100 mijë hektarë pyje janë djegur si pasojë e zjarreve massive që kanë përfshirë Greqinë javët e fundit. Të dhënat vijnë nga Sistemi Europian i Informimit për Zjarret në Pyje.
Në vetëm 14 ditë, më shumë se 93 600 hektarë u përfshinë nga zjarret massive më të egra që prej vitit 2007 në Greqi të nxitura edhe nga një valë e nxehti ekstrem. Ndërkohë, për të njëjtën periudhë mes viteve 2008-2020, mesatarja e përhapjes së zjarreve ishte 2330 hektarë.
Në vitin 2007, rreth 250 000 hektarë pyje u përfshinë nga flakët në Greqi, në zjarret massive që lanë të vdekur 77 njerëz. Këtë vit Greqia është përballur me valën e të nxehtit më të ashpër në dekada dhe temperaturat arritën deri në 45 0C në zona të caktuara.
Shifra e plotë “simbolike” prej 100 mijë hektarësh pritet të arrihet të enjten ose të premten, ndërsa zjarret kanë vazhduar në Peloponez dhe në Evian Lindore. Evia, ishulli i dytë më i madh në Greqi, ka më shumë se gjysmën e gjithë sipërfaqes së djegur.
Qeveria greke ka miratuar një paketë 500 milionë euro për rikuperimin nga zjarret, ndërsa kryeministri Kyriakos Mitsotakis ka kërkuar falje për dobësitë e treguara. Ai nuk ka lënë në harresë edhe problemin e ngrohjes globale, që ka ndikuar në një situatë të paprecdenetë të temperaturave në botë.
