Zjarri që ka shpërthyer në zonën pyjore të Fylisë është shndërruar në një situatë të pa kontrolluar. Banorët e Ano Liosia, Gennimata dhe Kanala janë thirrur të largohen nga vendbanimet e tyre pasi flakët janë shumë pranë shtëpive të tyre. Kjo gjendje ka sjellë edhe djegien e disa shtëpive në këtë rajon.
Edhe zonat pyjore në Aleksandropoli dhe Rodopi janë goditur nga zjarri, dhe flakët në Aleksandropoli vazhdojnë të përhapen për të katërtën ditë me radhë. Në frontin e zjarrit të Aleksandropolit, po punojnë 214 zjarrfikës me 59 automjete dhe 11 njësi këmbësore.
