Një zjarr i përmasave të mëdha ka rënë në vendin e quajtur “Këneta e Zezë” në Strum të bashkisë së Roskovecit në Fier.
Vatra e zjarrit ka përfshirë 2 kilometra tokë, ku po rrezikohen sera dhe banesat që janë përreth Kënetës.
Për shkak të erërave të forta, flakët e zjarrit janë përhapur edhe më shumë.
Ende nuk dihet si ka rënë zjarri në këtë zonë. Policia dyshon se ngjarja është e qëllimshme. Ajo ka mbërritur në vendngjarje dhe po heton për zbardhjen e plotë të saj.
