Një zjarr ka shpërthyer në katin e parë të një hoteli në lagjen nr. 4 të Sarandës, duke shkaktuar dëme të konsiderueshme.
Flakët kanë përfshirë tërësisht këtë pjesë të ndërtesës, ndërsa forcat zjarrfikëse dhe ato të policisë bashkiake ndodhen në vendngjarje për të vënë situatën nën kontroll dhe për të parandaluar përhapjen e mëtejshme të zjarrit.
Deri më tani nuk raportohet për persona të lënduar. Autoritetet po vijojnë hetimet për të zbardhur shkaqet dhe rrethanat e ngjarjes.
