Ish-kryeministri, Sali Berisha ditën e sotme ka folur lidhur me ngjarjet e fundit politike që kanë ndodhur në vend. Në një intervistë në “Syri.tv”, Berisha është treguar i gatshëm të përballet me kryedemokratin, Lulzim Basha.
Ai u shpreh se ëshët i gatshëm të takohet dhe përballet me Bashën, kudo që të dojë ky i fundit. Për më tepër ai e ka ftuar në një takim me aktivisteët dhe simpatizantët e Partisë Demokratike.
“Për çfarë do të takohemi? Që kur ka dalë ky vendim, unë operoj me të tjera gjëra. Për çfarë do flasim. Unë jam njeriu që në SHBA kam pasur fatin të njoh katër ish-Presidentë, t’i takoj, të më presin e t’i pres, disa sekretarë. Në asnjë rast nuk kam kërkuar ndihmë. E ftoj të vijë në takime me aktivistët, me simpatizantët e Partisë Demokratike. Ku të dojë e si të dojë, s’kam asnjë kufizim,”- tha Berisha ndër të tjera.
Pasi kreu i Partisë Demokratike, Lulzim Basha vendosi të largojë nga grupi parlamentar, ish-kryeministri Sali Berisha ka deklaruar mbrëmjen e sotme se takimet e tij me demokratët do të fillojnë ditën e enjte në Tiranë dhe më pas do të shtrihen në të gjithë Shqipërinë.
“Ditën e enjte në Tiranë fillon lëvizja, pastaj do të shtrihet në të gjithë Shqipërinë”, tha Berisha i ftuar në një studio televizive.
