Një ish-gjimnaste, e cila përflitej si e dashura e presidentit rus, Vladimir Putin, është zhdukur nga sytë e opinionit publik.
Sipas “Daily Mail”, Alina Kabaeva, një 37-vjeçare e famshme, fituese e medaljes së artë olimpike, nuk është parë që prej vitit 2018.
Në atë kohë thuhej se, ajo ishte shtatzënë me presidentin dhe raportohet se, ka lindur djem binjakë në prill të vitit të shkuar në një klinikë në Moskë.
Por ka shqetësime dhe aludime pasi ajo është zhdukur prej atëherë, shkruan “The Sun”.
Ajo është një nga gjimnastet më të dekoruara në histori. Pasi e la sportin, ajo u bë deputete për partinë e Putinit. Romanca mes të dyve u përfol që në vitin 2008.
Një gazetë atëherë raportoi se, Alina është fejuar me presidentin, por lajmi u përgënjeshtrua dhe gazeta u mbyll.
Po ashtu ka pasur raportime se, ajo ka lindur një fëmijë me Putin në vitin 2015.
Vetë Presidenti Putin, ka qenë i martuar më parë me Lyudmila Shkrebneva, në vitin 1983 dhe kanë dy vajza. Ata konfirmuan divorcin në vitin 2013.
Një burim tha për median britanike se, “nëse Alina ka lindur fëmijët e Putin, ai po e fsheh atë për shkak se është i fiksuar me sigurinë e familjes”.
/Burimi: Daily Mail/ Përshtati: GazetaReforma.com/
