Një ngjarje e rëndë ka ndodhur ditën e sotme në Gjirin e Lalëzit në Durrës, ku një 23-vjeçar dyshohet se është mbytur. Bëhet me dije se i riu është zhdukur që në orën 14:40 të ditës së sotme. ”Më datë 17.08.2021, rreth orës 14:40, te Gjiri i Lalëzit, Durrës, dyshohet se është mbytur duke u larë në det shtetasi A. S., 23 vjeç, banues në Tiranë.”, thuhet në njoftimin zyrtar të policisë.
Shtetasi me inicialet A.S., 23-vjeç banues në Tiranë, është futur në det dhe që prej orës 14:40 nuk ka dal më dhe nuk ka asnjë informacion për të. Mësohet se në vendin e ngjarjes kanë shkuar polumbarët dhe Policia Kufitare, të cilët janë duke kërkuar për trupin e 23-vjeçarit. Gjithashtu bëhet me dije se në vendngjarje ndodhet edhe grupi hetimor i cili po punon për sqarimin e rrethanave të ngjarjes. Sipas pushuesve një varkë është përmbysur e për pasojë 2 personat që ndodheshin në të kanë rrezikuar mbytjen.
Njoftimi i Policisë
Durrës/Informacion paraprak
Më datë 17.08.2021, rreth orës 14:40, te Gjiri i Lalëzit, Durrës, dyshohet se është mbytur duke u larë në det shtetasi A. S., 23 vjeç, banues në Tiranë.
Shërbimet e Policisë Kufitare dhe Polumbarët vijojnë kërkimet për gjetjen e tij.
Grupi hetimor ndodhet në vendngjarje dhe po punon për sqarimin e rrathanave të ngjarjes.
