Harta e të prekurve me koronavirus në vendin tonë është zgjeruar sërish.
Sipas “Balkanweb”, mbrëmjen e djeshme, një infermiere 54-vjeçare në Lezhë ka rezultuar pozitive në testin e koronavirusit.
Nuk dihet ende se kush mund t’ja ketë transmetuar virusin infermieres, ndërsa kolegët e saj janë izoluar nga frika e infektimit.
Mësohet se infermierja është dërguar mbrëmjen e djeshme tek Infektivi dhe pritet që stafi të vendosë nëse do të qëndrojë aty, apo do të vetëkarantinohet në shtëpi.
Me përditësismin e të dhënave të djeshme, numri i të prekurve nga COVID-19 në vendin tonë shkoi 104.
Nga këto numërohen 4 viktima dhe 5 të shëruar, ndërsa 3 pacientë janë në gjendje të rëndë.
Për momentin tek Infektivi ndodhen 49 pacientë, ndërsa pjesa tjetër janë vetëkarantinuar në shtëpi dhe ndiqen nga mjeku i familjes dhe autoritetet vendore shëndetësore.
Autoritetet ndërkohë vijojnë me thirrjet për respektimin e rregullave të higjienës, distancimit social, si dhe rekomandojnë kufizim të lëvizjes.
