Tetë muaj përpara zgjedhjeve të përgjithshme parlamentare të vitit 2025, Partia Demokratike pritet që të mbledhë Kryesinë dhe Këshillin Kombëtar.
Sekretari i Përgjithshëm i PD-së, Flamur Noka ka njoftuar se strukturat do të mblidhen ditën e nesërme në orën 18:00 në ambientet e selisë blu , ndërsa Këshilli Kombëtar do të thirret këtë të premte.
Në fokus do diskutimit të jenë strategjia e aksionit opozitar, si dhe çështje të brendshme organizative.
Temë kryesore pritet që të jenë edhe planifikimi i protestave, ide e propozuar këtë të hënë në mbledhjen e Grupit Parlamentar të PD-së.
Një tjetër cështje e cila pritet të diskutohet në mbledhjen e Kryesisë së PD-së është caktimi i Drejtuesve Politik të kësaj force në 12 qarqet e vendit.
Kryetari i Partisë Demokratike, Sali Berisha ndodhet në arrest shtëpie prej 30 dhjetorit të vitit të kaluar, pasi po hetohet nga SPAK për çështjen e privatizimit të ish-klubit ‘Partizani’.
