Zgjedhjet në Kosovë/ KQZ i ndaloi kandidimin si deputet, reagon Albin Kurti: Nuk jam në dijeni për vendimin!

Google+ Pinterest LinkedIn Tumblr +

Komisioni Qëndror i Zgjedhjeve në Kosovë , pas verifikimit, ka ndaluar ditën e sotme liderin e Vetëvendosjes, Albin Kurtin dhe 46 kandidatëve të tjerë për deputetë, të disa subjekteve politike në Kosovë që të garojnë në zgjedhjet e parakohshme parlamentare që do të mbahen në 14 shkurt.

Në lidhje me këtë vendim, ka reaguar edhe kryetari i Lëvizjes Vetëvendosje, Kurti, i cili është shprehur se nuk ka marrë asnjë njoftim zyrtar nga KQZ-ja.

“Unë nuk jam në dijeni për kurrëfar vendimi të tillë të KQZ-së, nuk kemi marrë ndonjë shkresë, unë si kryetar i Lëvizjes Vetëvendosje dhe as kryesia. Por, ajo cka po vërej në qytetarët e Kosovës është një entuziazëm i jashtëzakonshëm për zgjedhjet e 14 shkurtit.

Kurrë nuk ka pasur më shumë interesim për pjesëmarrje në këto zgjedhje dhe këtu mërgata gjithsesi prinë, por edhe populli në Kosovë, besojë që të gjithë jemi dëshmitarë që me gëzim po e presim 14 shkurtin dhe ky vullnet i madh i qytetarëve për ndryshime, në vitin 2021 besoj që duhet të ndiqet edhe nga institucionet relevante të shtetit”, u shpreh Kurti.

Ndër të tjera, Kurti deklaroi se institucionet e vendit duhet ta ndjekin vullnetin e popullit dhe jo t’i vihen përballë atij.

“Ju e dini që unë jam bartës i listës dhe këtë me vendim të Këshillit të Përgjithshëm të Lëvizjes Vetëvendosje dhe Kryesisë së Lëvizjes Vetëvendosje, institucionet e shtetit duhet ta ndjekin vullnetin e popullit të vetëdijesuar si asnjëherë më parë në Kosovën e pasluftës dhe jo t’i vihen përballë atij”, ë shtë  shprehur Kurti./Gazetareforma.com/

Shpërndaje
Share.

Komento