Në zgjedhjet e parakohshme që do të mbahen më 14 shkurt në Kosovë, Aleanca Kosova e Re (AKR), e cila drejtohet nga Behgjet Pacolli, si dhe Lidhja Demokratike e Kosovës (LDK), e drejtuar nga Isa Mustafa, kanë deklaruar se do të garojnë në një listë të përbashkët.
Sipas mediafve kosovare, kjo është lëvizja më e fundit e bërë nga këto dy forca politike, të cilat nuk kanë bërë së bashku koalicion parazgjedhor, por do të bashkojnë forcat për të fituar zgjedhjet e parakohshme.
Ndërkohë kërkesa e AKR-së, fillimisht mësohet se ka qenë bërja e një koalicioni me LDK-në, porn ë fund është dakordësuar që të shkohet në zgjedhje me një listë të përbashkët, listë në të cilën AKR-ja e Pacollit do të ketë 10 kandidatë për deputetë. Lajmin e ka konfirmuar sekretari i përgjithshëm i AKR-së, Vesel Makolli për mediat kosovare.
“Në këto zgjedhje do të shkojmë me listë të përbashkët me Lidhjen Demokratike të Kosovës. Dëshira edhe kërkesa ka qenë me pas koalicion, por marrëveshja është arrit që të shkojmë në listë të përbashkët. Në këtë listë, AKR do t’i ketë dhjetë deputetë”, ka deklaruar konfirmuar sekretari i përgjithshëm i AKR-së, Makolli.
Ndërkohë edhe nga Komisioni Qendror i Zgjedhjeve në Kosovë (KQZ), deri në orën 17:00 është deklaruar se janë paraqitur vetëm dy koalicione parazgjedhore, koalicionet e partive të minoriteteve Rome Ashkali dhe Egjiptiane (RAE) Vakat, me partinë e minoritetit boshnjak (Zajedno).
“Janë paraqitur dy njoftime për pjesëmarrje në zgjedhje përmes koalicionit nga radhët e komuniteteve: Koalicioni VAKAT, i përbërë nga partitë politike Demokratska Stranka Boshnjaka (DSB) dhe Demokratska Stranka Vatan (DSV) dhe Koalicioni ZAJEDNO, i përbërë nga partitë politike Pokret za Gora (PG) dhe Gragjanska Inicijativa Gore (GIG)”, ka deklaruar në një konferencë për media, zëdhënësi i KQZ-së, Valmir Elezi./Gazetareforma.com/
