Kryetari i Grupit Parlamentar të PS-së, Taulan Balla me anë të një postimi në rrjetet sociale ka uruar kandidatin e Partisë Socialdemokrate, Olaf Scholz për rezultatin e arritur në zgjedhjet e sotme federale.
Balla në shkrimin e tij shkruan se kandidati i SPD për kancelar Olaf Scholz dhe programi elektoral që ai kishte arritën të merrnin besimin si zgjedhja e parë e votuesve gjermanë.
Kujtojmë se Taulant Balla është dhe Kryetari i Grupit të Miqësisë Shqipëri-Gjermani.
“Urime Olaf Scholz dhe Partisë Socialdemokrate 🌹🇩🇪gjermane për rezultatin në zgjedhjet e sotme federale. Kandidati i SPD për kancelar Olaf Scholz dhe programi elektoral “Prej respektit për të ardhmen tuaj” morën besimin si zgjedhja e parë e votuesve gjermanë.”, postimi i plotë i Taulant Ballës.
Ditën e sotme u mbajtën zgjedhjet elektorale në Gjermani deh fill pas përfundimit të zgjedhjeve kanë dalë Exit-Pollet e para të cilat parashikonin një rezultat të ngushtë mes CDU/CSU të cilët ishin shumë pak vota para dhe Social-Demokratëve. Por duket se nga publikimet e sondazheve të fundit rezultati është përmbysur pasi Social-Demokratët e qendrës së majtë janë përpara bllokut konservator CDU / CSU me rreth 1%.
Gara është shumë e ngushtë dhe mundësitë për koalicione janë ende të mjegullta.Pas dorëheqjes së Angela Merkel, blloku konservator ka pësuar humbje të mëdha, këtë e ka pranuar edhe vetë garuesi i ri politik. Në zgjedhjet e kaluara ata patën një rënie me 8% ndërsa këtë vit po shkojnë drejt rezultatit më të dobët të regjistruar që nga Lufta e Dytë Botërore.
