Takimet e rëndësishme me ndërkombëtarët duket se janë duke u shpeshtuar dhe kjo edhe për shkak të afrimit të datës së zgjedhjeve edhe klimës së krijuar në vend.
Pak minuta më parë përfaqësuesit e OSBE/ODIHR Ana Rusi dhe Alexey Gromov janë duke zhvilluar një takim të rëndësishëm me kreun Grupit Parlamentar dhe njëkohësisht sekretarin e Përgjithshëm të PS-së, Taulant Balla në ambientet e selisë rozë.
Si Rusi ashtu edhe Gromov kanë mbërritur në Tiranë me një mision të mirëpërcaktuar, atë të faktmbledhësve, i cili është me rëndësi duke qenë se jemi vetëm disa muaj larg zgjedhjeve lokale.
Sipas agjendës së përcaktuar në orën 19:30, përfaqësuesit do të zhvillojnë një tjetër takim, këtë herë do të jetë me kreun e Partisë Demokratike, Lulzim Basha.
Vizita e Rusit dhe Gromov-it do të zgjasë vetëm dy ditë, ku gjatë kësaj kohe do të takojnë përfaqësues të partive politike si nga mazhoranca ashtu edhe nga opozita.
