Teksa ndodhemi 1 muaj para zgjedhjeve lokale deputeti Samir Koreshi ka bërë një parashikim se sa bashki mund të fitojë Partia Demokratike. Sipas tij, PD do të fitojë rreth 55 bashki në zgjedhjet lokale të 14 majit.
Gjithashtu Koreshi në një intervistë për “News 24” u shpreh se administratat po përdoret si mekanizëm fushate. Deputeti deklaron se ka masivisht punësime në këtë kohë teksa pas 3 muajsh do t’i pushojnë prapë nga puna.
“Nuk kanë kurajë që të takohen me njerëzit. Vetëm në dy muajt e fundit, bëhet nami, sikur xhindit i është kërkuar llamba dhe ndërtohet pa fund. Ndërsa pas datës 14 do të harrohet çdo gjë. Është katastrofike ajo që bën administrate qendrore dhe lokale. Emërimet e reja në punë, dhe pas tre muajsh i nxjerrin në rrugë. Gjithmonë vendet e punës dalin përpara zgjedhjeve. Lushnja nuk vuan vetëm për të ngrenë, por para nuk ka. Banorët janë larguar jashtë vendin, drejt Gjermanisë dhe Anglisë. Është e frikshme, ka largime pa fund. Janë të shpërndarë edhe drejt Francës. Ikin edhe drejt vendeve ku kanë mundësi të pasurohen më shpejt, apo edhe “shtëpi bari” për të punuar. Ka “rilindur tregu i rrobave të përdorura”, nuk kanë mundësi ekonomike”, ka deklaruar deputeti i Partisë Demokratike Samir Koreshi.
