Komisioni Qendror i Zgjedhjeve do të zhvillojë sot testimin e pajisjeve elektronike të identifikimit të zgjedhësve, që do të përdoren në zgjedhjet parlamentare të 11 majit.
Gjatë testimit, KQZ do të simulojë procesin e hapjes, mbylljes dhe identifikimit të votuesve përmes pajisjeve PEI.
Në një njoftim zyrtar, bëhet e ditur se testimi do të zhvillohet në Magazinën e KQZ-së në Vaqarr.
Në zgjedhjet e ardhshme, votimi elektronik do të aplikohet në njësinë administrative nr. 10 në Tiranë dhe në bashkinë e Vorës.
Njoftimi i KQZ:
Ditën e Hënë, datë 28.04.2024, në orën 11:30, Komisioni Qendror i Zgjedhjeve do të zhvillojë testimin operacional të pajisjeve elektronike të identifikimit (PEI) të zgjedhësve, që do të përdorën në zgjedhjet për Kuvend të dates 11 Maj 2025.
Në zbatim të nenit 22 pika 6 të Kodit Zgjedhor, KQZ do të përdorë pajisjet PEI për të simuluar procesin e hapjes, mbylljes dhe identifikimit të zgjedhësit. Testimi do të zhvillohet në Magazinën e KQZ-së që ndodhet në Vaqarr
