Kreu i Partisë Demokratike, Sali Berisha, ka folur mbi zgjedhjet e 11 Majit dhe koalicionin me kryetarin e Partisë së Lirisë, Ilir Meta.
I ftuar në emisionin “Opinion”, Berisha deklaroi se Meta do të jetë pjesë e garës zgjedhore dhe do të përfshihet në një listë të mbyllur. Ai sqaroi se kjo zgjedhje është bërë për shkak të pamundësisë së Metës për të zhvilluar fushatë, pasi ndodhet në burg.
Sali Berisha: Ne jemi të hapur për të gjitha partitë që duan të bashkohen në një front opozitar kundër kësaj të keqeje të madhe që i ka rënë Shqipërisë.
Blendi Fevziu: Përfshirë Agron Shehajn? Përfshirë Adriatik Lapajn?
Sali Berisha: Të gjithë nuk përjashtohen, përveç një personi që e përjashton veten vetë ai, që të gjithë të tjerët pa përjashtim.
Blendi Fevziu: Për Bashën e keni?
Sali Berisha: Balla, Basha janë bërë një tani.
Blendi Fevziu: Ilir Meta, çfarë pozicioni do të ketë në listat tuaja?
Sali Berisha: Ilir Meta do të finalizohet koalicioni dhe absolutisht ka mbështetjen e plotë dhe totale të opozitës shqiptare. Ai është një i burgosur politik.
Blendi Fevziu: Do të jetë në listat e zgjedhjeve?
Sali Berisha: Pa diskutim.
Blendi Fevziu: Te listat e mbyllura?
Sali Berisha: A mund të bëjë fushatë nga burgu? S’mund të bëjë fushatë nga burgu, po të ishte jashtë burgut s’pranonte të futej në lista të mbyllura se bënte fushatë.
Fatos Hakorja: Ka zëra se ju mund të udhëtoni para zgjedhjeve të 11 majit në SHBA. Sa të vërteta janë këto?
Sali Berisha: Nuk kam dijeni për këtë unë. Unë po punoj ditë e natë me këta se nuk është vetëm ky, janë edhe të tjerë shumë, shumë të fuqishëm me të.
