Komisioneri Shtetëror i Zgjedhjeve, Ilirjan Celibashi, njoftoi se para Krishtlindjeve do të demonstrohet funksionaliteti i platformës elektronike për regjistrimin e votuesve nga jashtë.
Ai sqaroi në nënkomisionin parlamentar për diasporën dhe migracionin se procesi i regjistrimit do të fillojë më 11 janar 2025.
“Tashmë Komisioni Rregullator pranë KQZ ka miratuar thuajse të gjitha aktet kryesore normuese me qëllim realizmin e votimit nga jashtë. Besoj që para Krishtlindjeve do të kemi një demonstrim të funksionaliteteve të këtij sistemi me qëllim që në datën 11 janar kjo platformë të jetë funksionale dhe ashtu sikurse e ka parashikuar Kodi Zgjedhor të fillojë procesi i regjistrimit të votuesve nga jashtë”, u shpreh Celibashi.
