Një lajm i mirë vjen për të gjithë qytetarët shqiptarë për s ai përket tarifave të celularëve për vendet e Rajonit. Duke filluar që nga data 1 korrik tarifat Roaming në Ballkanin Perëndimor do të jenë zero. Lajmin e ka bërë të ditur ambasadori i BE në Shqipëri, Luigi Soreca, me anë të një postimi në Twitter. Ambasadori shkruan në heqjen e tarifave përfshihet edhe Shqipëria, ndërsa e vetmja gjë që qytetarët duhet të kenë në mendje, është që të kenë baterinë plotë në telefon. Më tej Soreca thekson se porjekti është financuar nga Bashkimi Europian.
“Nga 1 korrik 2021 Tarifat Zero Roaming në Ballkanin Perëndimor, përfshirë #Shqipërinë ! #RoamFree ! Duhet të keni vetëm një gjë në mendje: të keni bateri të plotë në telefonin tuaj. Pra me ngarkesë ! Ky projekt është financuar nga Bashkimi Europian dhe mundësuar nga
@rçint #Tregu i përbashkët rajonal”, shkruan Soreca në postimin e tij në Twitter.
Pak ditë më parë, në samitin e mbajtur në Tiranë, Komisioneri për Zgjerim, Oliver Varhelyi tha se vendet e Ballkanit Perëndimor kishin rënë dakord në një marrëceshje për të hequr tarifat Roaming.
Kjo do të thotë se të gjithë qytetarët shqiptarë nuk duhet të paguajnë tarifa shtesë për të folur në vendet e tjera të Ballkanit Perëndimor, por mjafton vetëm të kenë tëlefonin të ngarkuar.
