Presidenti i Ukrainës Volodymir Zelensky dhe kryeministri grek Kyriakos Mitsotakis kanë mbajtur një konferencë të përbashkët për mediat. Nga Athina Mitsotakis shprehu mbështetjen ndaj Ukrainës dhe theksoi se Greqia nuk do të njohë në asnjë mënyrë aneksimin e paligjshëm të zonave të Ukrainës nga Rusia.
“Nuk ka asnjë mënyrë që ne të njohim ndonjëherë aneksimin e paligjshëm të zonave të Ukrainës nga Rusia”, theksoi kryeministri grek, duke shtuar se krimet e Rusisë duhet të ndëshkohen nga drejtësia ndërkombëtare.
Mitsotakis më tej u shpreh se Ukraina dhe Greqia kanë lidhje historike, duke shtuar se askush nuk mund t’i harrojë krimet ne Mariupol apo në Odessa dhe Kiev.
Nga ana e tij presidenti ukrainas, falënderoi kryeministrin grek për mbështetjen: “Faleminderit Greqi, rroftë Ukraina”.
