Presidenti i Ukrainës Volodimyr Zelensky ka folur në lidhje me eksportet e grurit në Ukrainë , i cili prej disa kohësh tashmë është një problem për këtë vend. Ndërkohë ky nuk është një problem vetëm për Ukrainën, pasi nga frenimi i eksporteve preken edhe vendet europianee të cilat e blejnë grurin nga ky vend , pasi siç dihet Ukraina është vend prodhues i madh këtij produkti. Sipas presidentit Volodymyr Zelensky, nëse eksporti vijon të mbetet i bllokuar, rrezikon që deri në vjeshtë të grumbullohen deri në 60 milionë tonë drithë stok.
“Deri tani 22 milionë tonë drithë janë bllokuar. Parashikojmë që rreth 60 milionë tonë të grumbullohen deri në vjeshtë. Atëherë do të jemi në një situatë vërtet të vështirë, shumë të vështirë”, tha Zelenskyy.
Gjithashtu presidenti i Ukrainës tha se po punonte me Kombet e Bashkuara, në përpjekje për të hapur një korridor të sigurt që do të lejonte vendin e tij të eksportonte grurë nga portet në Detin e Zi.
“Ne jemi të interesuar për këtë si eksportues. Jemi të interesuar, që fermerët tanë të vazhdojnë të punojnë për të korrat e vitit të ardhshme. Për ta bërë këtë, ne duhet të eksportojmë gjithë këtë drithë, elb, grurë, misër, etj “, shtoi Zelensky.
Gjithashtu ai bëri me dije se Ukraina po punon në rrugë të ndryshme hekurudhore dhe përmes porteve lumore për eksportin e drithit.
