Sot, kryeministri Edi Rama foli në vendin ku do të ndërtohet spitali ‘Mbretëresha Geralinë’. Të pranishëm ishin ministrja Ogerta Manastirliu dhe mjekë të spitalit. Kryeministri i Shqipërisë, replikoi për një kërkesë të zëdhënësit të mjekëve, që kërkoi legalizimin e ryshfetit.
“Më bëri shumë përshtypje para pak ditësh një grumbullim mjekësh dhe një zëdhënës që kërkonte legalizimin e rryshfetit, është vërtetë mbresëlënëse nga niveli i kurajos dhe nga paturpësia e propozimit.
Niveli i shpërblimit i mjekëve duhet rritur dhe ne do ta rrisim sic e kemi rritur dhe në vitet pararendëse. Nuk është një zotim elektoral por i planifikuar që të mbahet që pagat për bluzat e bardha të rriten deri në 40%. Të thuash që ka ardhur koha të legalizojmë rryfshetin është një lëvizje që e gjithë sistemi, i cili ka filluar të ndjehet po shtrihet shumë më thellë. Nuk mund të ketë në asnjë mënyrë barazim të të gjithë mjekëve.
Nëse sistemi vazhdon të ushqejë parazitë dhe grabiqarë, është arsyeja se dhe në spitale ne kemi filluar të vendosim dhe do të shtrijmë deri në fund, rrjetin e individëve që do të jenë aty vetëm për këtë punë, për të kontribuar. Jemi brenda të gjithë institucioneve, ku menaxhohen fondet publike, ku paguhen rrogat me taksat e qytetarëve dhe ku nejrëzit marrin shërbim.
Këto që po ndodhin për fat të mirë janë shenjat e para të një ndryshimi që do të thellohet. Shteti nuk mund të jetë një refuggio pegatorio, për mëkatarët, nuk mund të mëkatohet me gjakun e pacientëve me lotët e familjarëve me djersën e mjëkeve.
Ne kemi mundësinë që të synojmë se shëndetësia në Shqipëri të bëhet një pikë referimi në të gjithë rajonin. Kemi një trup infermierësh që meritojnë respekt, dhe këto elementë nuk mund t’i poshtrojë një segment”, u shpreh Rama.
