Finalja e Botërorit Argjentinë-Francë ishte një spektakël i vërtetë që i mbajti të gjithë me “zemër në dorë” deri në mbyllje të lojës.
Ndeshja përfundoi me fitoren e Argjentinës, e cila me anë të penalltive arriti të triumfojë kundrejt Francës.
Përpos këtij trofeu që është më i rëndësishmi në futboll, Argjentina do të arkëtojë edhe 40 milionë euro, teksa Franca si vend i dytë rreth 30 milionë euro.
Kroacia që përfundoi në vendin e tretë 27 milionë, ndërsa Maroku, në vendin e katërt 23 milionë euro. Kjo është pak a shumë shpërndarja e të ardhurave në Botërorin e Katarit, për kombëtaret elitare që arritën të shkruanin historinë.
Lionel Messi fitoi trofeun e 42-të në karrierën e tij.
Sulmuesi i kombëtares së Argjentinës u bë pronar i Kupës së Botës. Skuadra e Lionel Scaloni mundi Francën në finalen e Kupës së Botës 2022 me penallti 4:2. Argjentinasi fitoi La Ligën 10 herë me Barcelonën, fitoi katër herë Ligën e Kampionëve, 8 herë fitoi Superkupën e Spanjës, 7 herë Kupën e Spanjës, si dhe tri herë fitoi Kupën e Botës për Klube dhe Superkupën e Evropës.
Me PSG -në, ai mori kampionatin francez dhe Superkupën e vendit. Si pjesë e kombëtares së Argjentinës, Lionel, përveç Kupës së Botës, mori Kupën e Amerikës, fitoi Olimpiadën, fitoi Kampionatin Botëror të të rinjve.
