10 milionë dollar është shuma që do të paguajë qeveria shqiptare për 1.2 milionë vaksinat kineze që pritet të mbërrijnë në Shqipëri Brenda dy muajve të ardhshëm. Shuma i është akorduar Ministrisë së Shëndetësisë për të siguruar blerjen e vaksinave të Sinovac me distributor kompaninë turke “Keymen Ilaç Sanayi ve ticaret”.
Fond ii akorduar do të përballohet nga Busheti i Shtetit i miratuar për vitin 2021, ndërsa janë ngarkuar për zbatimin e vendimit Ministria e Shëndetësisë, ministri i Shtetit për Rindërtimin (Arben Ahmetaj) dhe Ministria e Financave dhe e Ekonomisë dhe Instituti i Shëndetit Publik.
Ditën e djeshme në Shqipëri mbërritën 192 mijë dozat e para të vaksinave kineze Coronavac. Kryeministri Edi Rama i priti dozat në aeroportin e Rinasit dhe deklaroi se Brenda dy muajve të ardhshëm do të vijnë në vendin tonë 1.2 milionë doza të vaksinave, ndër të tjera edhe doza të Pfizer, AstraZeneca dhe Sputnik V.
Më herët kanë mbërritur në Shqipëri 10 mijë dozat e para të vaksinës ruse Sputnik V pas aktit normative të qeverisë që i hapi rrugë vaksinave të prodhuara në vendet e lindjes për të ardhur edhe në vendin tonë me kushtin që të ishin miratuar nga agjencitë e barnave përkatëse. Procesi i vaksinimit vazhdon me të moshuarit, mjekët dhe mësuesit, ndërsa Rama ka ofruar vaksina edhe për personelin mjekësor
