Është publikuar kalendari zyrtar i Kampionatit Europian U-17 “Shqipëri 2025”, që do të zhvillohet në vendin tonë nga data 19 maj deri më 1 qershor.
Shqipëria ndodhet në Grupin A, së bashku me Francën, Gjermaninë dhe Portugalinë, ndërsa Grupin B e përbëjnë Italia, Belgjika, Anglia dhe Çekia.
Ndeshja hapëse do të jetë Shqipëri – Portugali dhe do të luhet më 19 maj, në “Arenën Kombëtare”, në orën 18:00.
Po atë ditë, në orën 20:30, do të zhvillohet edhe sfida Gjermani – Francë në “Elbasan Arena”.
Grupi B do të nisë garat më 20 maj, me dy takime: Angli – Belgjikë në “Egnatia Arena”, ora 18:00, dhe Itali – Çeki në “Niko Dovana”, ora 20:30.
Ndeshjet e dyta të grupeve do të zhvillohen më 22 dhe 23 maj, ndërsa ato përmbyllëse më 25 dhe 26 maj.
Shqipëria do të përballet me Gjermaninë më 22 maj në “Elbasan Arena”, në orën 18:00, dhe më 25 maj do të luajë ndeshjen e fundit të grupit kundër Francës, në të njëjtin stadium, në orën 20:30.
Kalendari i plotë i fazës së grupeve:
Grupi A
• 19.05.2025 | 18:00 | Shqipëri – Portugali | Arena Kombëtare
• 19.05.2025 | 20:30 | Gjermani – Francë | Elbasan Arena
• 22.05.2025 | 18:00 | Shqipëri – Gjermani | Elbasan Arena
• 22.05.2025 | 20:30 | Francë – Portugali | Arena Kombëtare
• 25.05.2025 | 20:30 | Francë – Shqipëri | Elbasan Arena
• 25.05.2025 | 20:30 | Portugali – Gjermani | Arena Kombëtare
Grupi B
• 20.05.2025 | 18:00 | Angli – Belgjikë | Egnatia Arena
• 20.05.2025 | 20:30 | Itali – Çeki | Niko Dovana
• 23.05.2025 | 18:00 | Belgjikë – Çeki | Niko Dovana
• 23.05.2025 | 20:30 | Itali – Angli | Egnatia Arena
• 26.05.2025 | 20:30 | Çeki – Angli | Egnatia Arena
• 26.05.2025 | 20:30 | Belgjikë – Itali | Niko Dovana
Finalet do të zhvillohen pas përfundimit të fazës së grupeve.
