Emri i personit të shpallur në kërkim si autor i vrasjes së Jurgen Kurtit është Klodian Bane.
Bane është 38-vjeç dhe është nga Patosi.
Rreth 1 javë pas ekzekutimit të 26 vjeçarit, policia vuri dje në pranga tre persona, ndërsa shpalli në kërkim një tjetër shtetas, emri i të cilit u mësua sot nga mediat.
Arrestimi i Elsi Levendi, 21-vjeç, Alesio Berberi, 33-vjeç, dhe Olsi Qalliaj, 22-vjeç, është kyer pasi akuzohen si bashkëpunëtorë në vrasjen e Kurtit, ndërsa burime të sigurta nga policia thonë se vrasja është kryer me pagesë. Për këtë rast janë kryer përgjime, nga të cilat është kapur edhe shifra e pagesës prej 30 mijë eurosh.
Burime nga grupi hetimor bëjnë me dije se Jurgen Kurti kishte qenë në ndjekje prej dy javësh. Edhe mbrëmjen e 18 marsit ka qenë në ndjekje nga autorët të cilët lëviznin me makinë tip Benz ngjyrë gri me targa false.
Mësohet se më pas autorët kanë ndërruar targat dhe kjo ka bërë që policia të bierë në gjurmët e tyre.
Identifikimi i tyre është bërë edhe nga inspektimi i kamerave të sigurisë.
