Në konferencën e Aleksandër Vuçiç me mediat serbe ka marrë pjesë vetëm një gazetare shqiptare, Linda Karadaku.
Në një intervistë për ABC NEWS Karadaku zbuloi çfarë u ka thënë Vuçiç gazetarëve serbë.
Sipas saj, presidenti Vuçiç ka theksuar disa herë faktin që i ka përllogaritur mirë interesat e Serbisë.
“Ne ishim e vetmja media shqiptare tek konferenca e Vuçiçit me gazetarët serbë. Vuçiç thotë në fjalën e fundit të tij se i kishte përllogaritur mirë gjërat dhe po mbronte interesat e Serbisë. Madje këtë e përsëriti dy herë”.
Gazetarja e konsideroi ardhjen e Milo Gjukanoviç sot në Samit si shpëtim të Ramës, Vuiçicit, Zaevit dhe Mini-Shengenit.
“Mali i Zi është shumë pranë BE-së se vendet tona. Ndikimi i tij është shumë i madh në këtë marrëveshjes se ishte vendi i fundit që doli nga Jugosllavia. Ka porte të rendësishme dhe raporte shumë të mira me BE-në”.
Por, ajo ka hedhur dyshime mbi pikat e marrëveshjes, njëra prej të cilave është edhe shkëmbimi i i të dhënave.
“Unë mendoj se kjo është e parakohshme. Sa i përket ekonomisë, Beogradi do të ketë pjesën e luanit. Është vendi më i madh, ka ekonominë e zhvilluar, prodhon më tepër. Është një vend që ka mbështetjen nga SHBA, Kina, Rusia dhe kushdo. Me çfarë do ta konkurrosh ti Serbinë?”, pyeti gazetarja.
Ndërsa mospraninë e Kosovës në Samit e komentoi me këto fjalë:
“Fakti që nuk pranohen masakrat serbe ndaj shqiptarëve të Kosovës do të thotë se nuk është bërë kurrë katarsis. Nëse ka ndonjë mendje ngushtë që thotë se kjo është mes Kosovës dhe Serbisë dhe jo mes nesh dhe Serbisë bën shumë gabim.”
Karadaku i bëri një pyetje publike Edi Ramës:
“Pyetja që nuk arrta t’ia bëj kryeministrit Rama sot dhe po ia bëj publikisht është: A e di ai që Kosova dhe Serbia kanë nënshkruar një seri marrëveshjes me ndërmjetësimin e BE, dhe njëra prej to është lëvizja e lirë e njerëzve dhe e mallrave, por ajo nuk po zbatohet. Nëse ai ka ndikim tek Vuçiçi, ti kërkojë që të zbatohen marrëveshjet që kanë lidhur deri më tani Kosova dhe Serbia dhe pastaj të ftohej Kosova?”
Ajo kërkoi gjithashtu që të jepen edhe emra në rastet kur bëhen akuza ndaj klasës politike të Kosovës.
