Puntata e sotme e “Për’puthen Prime” do të ketë mjaft zhvillime. Këtë gjë e ka bërë të ditur vetë autorja e këtij programi, ku ka treguar se do të jetë pjesë e tij një vajzë e re.
Aludohet në rrjet se duke qenë se qëkur hyri në program nuk ka pasur aspak komunikim me të vëllanë, kjo telefonatë mund t’i vijë prej tij.
Në puntatën që do të transmetohet mbrëmjen e sotme, padyshim që nuk do të mungojnë përballjet, kësaj radhe mes dy djemve: Brunos, që ka shprehur hapur pëlqimin për Alvisën, dhe Hysenit, ish-të dashurit të Alvisës, që u bë pjesë e programit një javë më parë.
Por kjo nuk do të jetë përballja e vetme, pasi sonte do të rikthehen në “Për’puthen” një prej dysheve më të komentuara nga sezoni i dytë, për të mbyllur publikisht atë që ka mbetur pezull.
Ashtu si edhe autorja e këtij programi ka bërë me dije, gjatë muajit tetor, pjesa e fundit e “Prime” do t’i dedikohet konkurrentëve të sezonit të dytë, në mënyrë që të sqarohet çdo gjë që ka mbetur pezull.
