Më 30 prill, Komron Zukhurov, terroristi i shumëkërkuar nga Interpoli është vënë në pranga nga Policia e Shtetit, në qytetin e Tiranës.
Mësohet se 24-vjeçari kërkohet nga drejtësia gjermane, e cila ka lëshuar një urdhër arresti ndërkombëtar, duke e akuzuar për veprën penale “Pjesëmarrje në një organizatë të huaj terroriste”, pasi dyshohet se është anëtar i një celule terroriste, që kryenin veprimtari në emër të ISIS.
24-vjeçari ka mbërritur në aeroportin e Rinasit, në mënyrë ilegale dy muaj e gjysmë më parë dhe jetonte në një familje taxhakistaneze në Tiranë.
Nga ana tjetër është mësuar se terroristi i prangosur është i afërm i bashkëjetueses së ish-deputetit të Partisë Demokratike, Asllan Dogjani, madje ditën që ka hyrë në Shqipëri, kur ka mbërritur në Rinas, personi që e kapritur në aeroport, është pikërisht bashkëjetuesja e Dogjanit.
Së fundmi, Dosja.al ka zbardhur emrin e biznesmenit që ishte në shënjestër të terroristit Komron Zukhurov nga Taxhikistani dhe sipas saj bëhet fjalë për Albano Aliko, është 52-vjeçari, për kokën e të cilit, terroristi nga Taxhikistani do të merrte 40 mijë dollarë.
Porosia për ekzekutimin e Alikos ka ardhur nga një grup biznesmenësh izraelitë, teksa motivet ende nuk janë të qarta, por dyshohet se pas kësaj ngjarjeje qëndron një konflikt i vjetër biznesi mes Alikos dhe grupit të izraelitëve.
Kush është Albano Aliko?
Aliko është ish-administratori i kompanisë Gulf, i cili u shpall në kërkim nga drejtësia shqiptare në muajin prill të vitit 2018, pasi akuzohej si personi që mashtroi qindra qytetarë duke iu shitur mijëra litra tollona karburanti të pavfleshme nga kompania “Gulf”, me vlerën e 5 milionë eurove.
Aliko u arrestua në shtator të 2018, por u lirua në mënyrë të fshehtë, vetëm pak ditë më vonë.
Sipas raportimeve të para dy viteve, ‘Gulf” kishte shpallur në super ofertë për blerjen e tollonave dhe vetëm katër ditë më pas, shpalli falimentinin në të gjitha pikat e ushtrimit të aktivitetit të saj tregtar duke lënë të mashtruar qindra qytetarë.
Menjëherë pas falimentit, administratori i kompanisë “Sun Petroleum Albania”, Albano Aliko, që kishte në pronësi karburantet e “Gulf”, dha dorëheqjen nga drejtimi i kësaj firme dhe u largua jashtë Shqipërisë.
